Құтқарушылар пәтерінде құлап, тұра алмай қалған 73 жастағы әжеге көмекке келді

АСТАНА. KAZINFORM - Елордалық құтқарушылар 73 жастағы әжеге көмекке келді.

Төтенше жағдайлар министрлігі баспасөз қызметінің мәліметінше, Сарыарқа даңғылы бойындағы пәтерлердің бірінде 1951 жылы туған қарт адам өз пәтерінде құлап, өз бетінше тұрып, есікті аша алмаған.

Жедел-құтқару жасағының құтқарушылары аспалы құралдардың көмегімен есікті ашып, еденде жатқан әжені жедел жәрдем қызметкерлеріне тапсырды.

Бұған дейін өскемендік медбике Пхукет-Алматы бағытындағы ұшақта аллергиясы асқынған адамды құтқарғанын жазған болатынбыз.