Қылмыстық-атқару жүйесі комитетінің Қарағанды облыстық басқармасында жеке мәселелер бойынша азаматтар қабылданды
АСТАНА. Тамыздың 3-і. ҚазАқпарат /Ғалымжан Хасенов/ - Әділет министрлігі Қылмыстық-атқару жүйесі комитеті төрағасының орынбасары Михаил Лырчиков «Нұр Отан» партиясының Қарағанды облыстық филиалы қоғамдық қабылдауының меңгерушісі Е.Сардаровпен бірлесіп комитеттің облыстық басқармасында жеке мәселелер бойынша азаматтарды қабылдады.
Облыстық пенитенциарлық жүйенің баспасөз қызметінен хабарлағанындай, қабылдауға келген азаматтарды негізінен, сотталғандарды шартты-мерзімінен бұрын босатуға қатысты мәселелер, тергеудегі тұлғаға кездесуге жағдай жасаудың шарттары, Қазақстанда рақымшылық жасаудың мүмкіндіктері, сондай-ақ азаматтардың қылмыстық-атқару жүйесіне жұмысқа тұруларымен байланысты мәселелер толғандырған.
Қойылған барлық сауалдарға егжей-тегжей жауап берілді.
