Қырғыз парламентшілері үкіметтің жаңа құрылымын мақұлдады

БІШКЕК. ҚазАқпарат - Жогорку Кенеш отырысында Қырғызстан парламентшілері үкіметтің жаңа құрылымын мақұлдады. Дауыс беру нәтижесінде 96 депутат қолдады, 3-уі қарсы дауыс берді.

Қырғызстанның премьер-министрі Сооронбай Жээнбековтың пікірінше, енгізілген өзгерістер үкімет жұмысының тиімділігіне ықпал етпек.

Қырғызстан үкіметінің жаңа құрылымында 12 министрлік пен 4 мемкомитет бар. Жаңа мемлекеттік органдар: Ауыл шаруашылығы, Тағам өнеркәсібі мен мелиораци министрлігі, Ақпараттық технологиялар және байланыс мемлекеттік комитеті, Өнеркәсіп, энергетика және жер қойнауын пайдаланудың мемлекеттік комитеті.