Қырғыз Президенті Қарағанды облысындағы жол апатында қаза тапқан қырғызстандықтардың туыстары мен жақындарына көңіл айтты
БІШКЕК. 8 мамыр. ҚазАқпарат - Қырғыз Республикасының Президенті 8 мамырдың түнінде Қарағанды облысындағы жол-көлік апаты салдарынан қаза тапқан отандастарының туыстары мен жақындарына көңіл айтты,
деп хабарлайды Қырғыз Басшысының баспасөз қызметінен.
Көңіл айту жеделхатында: «Қазақстанның Қарағанды облысында Қырғызстан азаматтары қаза тапқан көлік апаты туралы хабар жүрегіме ауыр тиді. Қаза тапқандардың отбасыларының басына түскен үлкен қайғыға ортақтасып, бұл апатта жақындарын жоғалтқандарға көңіл айтамын», - деп жазылған.
Қырғызстанның Қазақстандағы Елшілігінің мәліметтерінше, апатта қаза тапқан қырғызстандық Жалал-Абад облысының тұрғындары Ресей Федерациясына бара жатқан.
