Қырғыз Үкіметі әлеуметтік қорғау саласы қызметкерлерінің жалақысын көтереді
БІШКЕК. 19 сәуір. ҚазАқпарат /Арнұр Рахымбеков/ - 1 мамырдан бастап Қырғызстанда халықты әлеуметтік қорғау жүйесі қызметкерлерінің кейбір санаттары үшін жалақы көтеріледі. Үкіметтің сәйкес қаулысына ел премьері Алмазбек Атамбаев қол қойды.
Құжатқа сәйкес, 2011 жылдың 1 мамырынан бастап қарттарға және мүгедектерге арналған интернат-үйлердің, балалар үйлерінің, ересектерге арналған психоневрологиялық интернат-үйлерінің қызметкерлері үшін, мүмкіндіктері шектеулі және қарт адамдарды үй жағдайында күтетін әлеуметтік қызметкерлер үшін базалық жалақы көтерілді.
Осы құжатпен аталған санаттағы қызметкерлердің жаңа жалақы жүйесі бекітілген.
