Қытай Кубаға тікелей ұшатын алғашқы әуе рейсін жөнелтті

АСТАНА. ҚазАқпарат - Қытай Кубаға ұшатын алғашқы коммерциялық рейсін іске қосты, деп жазды РИА Новости никарагуалық La Prensa порталына сілтеме жасап.

Ұшақты жексенбі күні, 27 желтоқсанда қытайлық Air China компаниясы сапарға шығарды. Бейжіңнен шыққан Boeing 777 20 сағаттық ұшудан және канадалық Монреальда жанар-жағар май құюға аялдаған соң Гаванаға қонады.

Қазір қытайлық туристер үшін Латын Америкасындағы басты бағыт - Мексика мен Бразилия. ҚХР сондай-ақ Кубада люкс дәрежесіндегі демалыс орнын ұйымдастыруға ниет танытып отыр.