Қытай метросында жер опырылып, оған жолаушы құлады

АСТАНА. ҚазАқпарат - Қытай метросында эскалаторға қарай бет алған әйел опырылып түскен жерге құлады. Бұл туралы The New York Post хабарлайды. 

Оқиға елдің оңтүстігіндегі Шэньчжэнь қаласында болды. Қытайлыққа оның жолдасы мен басқа да жолаушылар көмектескен, деп атап өтті Лента.ру.

Straits Times деректері бойынша, әйел аздаған жарақат алған. Қазіргі таңда оқиғаның мән-жайы анықталуда.