Қытай өз тарихы туралы фильм түсіруде

АСТАНА.  Қыркүйектің   4-і. ҚазАқпарат -  Аспанасты    елі  Қытай Халық   Республикасының    құрылуының  60  жылдығына арналған  фильмнің  түсіріліміне    қатысуға Джеки  Чан    және  Джет Ли сияқты    кино жұлдыздарын шақырып  отыр.

Фильм «Республиканың  құрылуы»  деп аталады және   оны түсірудегі мақсат - жастарды    ел тарихымен таныстыру.   Джеки  Чан    экранға    бір-екі  рет  қана көрінетін     бейтаныс  журналистің  рөлін ойнайды.

Көптеген жұлдыздар    режиссерге 60 миллион   юань немесе 8,8 миллион доллар көлеміндегі   бюджетке сыюға көмектесу  үшін, фильмге  тегін түсуде.    Мао  Цзедунның     рөлін  атағы шыға қоймаған  актер    ойнады.