Қытай Үкіметі Шынжаңдағы арандатушыларды өлім жазасына кесуі мүмкін
деп хабарлады дүйсенбі күні Синьхуа агенттігі прокуратурадағы дереккөзге сілтеме жасап.
Бейсенбі күні Үрімшіде басталған бұқаралық шеру, жұма күні полициямен қақтығысқа ұласты. Тәртіпсіздіктер барысында 5 адам қаза болды, 14 адам жараланды. Полиция көзден жас шығаратын газ қолдануға мәжбүр болды. Әзірге расталмаған мәліметтер бойынша, қалаға танкілер кіргізілді.
Шеруге қатысушылар шілденің 5-інде болған бұқаралық тәртіпсіздіктің салдарынан 197 адам қаза тапқан, 1,6 мыңнан астам адам жараланған қалада қоғамдық тәртіпті қамтамасыз етуді талап еткен.
Жоғарыдағы оқиғадан екі айдан кейін Үрімшіде белгісіз біреулер көшедегі адамдарға жаңа шабуылдар бастаған. Қаскөйлер шприц инелерін пайдаланған. Жергілікті тұрғындар, әлгілер адамдарға ВИЧ індетін жұқтырды немесе «ауыр» есірткілер екті деп алаңдауда. Бірақ да сот-медицина сарапшылары «радиоактивті және химиялық» заттардың егілу фактілерін жоққа шығарып отыр. «Инелі қарақшылардың» әрекеттерінен барлығы 531 адам зардап шеккен.
Бұған дейін өкімет осы шабуылдарды жасады деген күдікпен 25 адамның ұсталғанын хабарлады, олардың төртеуіне ресми айып тағылды.
Өкімет Шынжаңдағы жаңа шабуылдарға сепаратистік топтарды айыптап отыр. «Сепаратистер, лаңкестер және экстремистер аймақта ұлтаралық алауыздық туғызу, жағдайды ушықтыру үшін осындай арандатушылыққа барып отыр», - деп мәлім етті Үрімшінің вице-мэрі Чжан Хун.