Қытайда шахтада болған жарылыстың салдарынан 104 адам опат болды
АСТАНА. Қарашаның 23-і. ҚазАқпарат - Сенбі күні Қытайдың солтүстік-шығысында көмір шахтасында болған жарылыстың салдарынан, соңғы мәліметтер бойынша, 104 кенші опат болды.
Бұған дейін 92 адамның қазасы туралы айтылған болатын, деп хабарлайды «РИА «Новости» агенттігі.
Сенбі күні Хэйлунцзян провинциясында забойлардың бірінде 500 метр тереңдікте метан жарылысы болды. Оқиға кезінде жер астында 528 кенші болған, нақтыланған мәліметтер бойынша, олардың 415-і жер бетіне шыға алған.
Құрбандықтардың саны бойынша, бұл Қытайдың кен-руда өнеркәсібіндегі соңғы екі жылдағы ең ірі апат.
