Қытайда студенттік жатақханада жарылыс болып, бірнеше адам жараланды

АСТАНА. ҚазАқпарат - Солтүстік-батыс Қытайдағы Ланьчжоу қаласында (Ганьсу провинциясы) қуатты жарылыс орын алды. Сина ақпараттық порталы хабарлағандай, оқиға салдарынан жеті адам жараланған, деп жазады ТАСС.

Қатты соққыдан ғимараттың терезелері қирады. Оқиға орнында өрт сөндірушілер мен полиция жұмыс жасауда. Жарылыс құрбандары мен себептері жайлы әзірге ештеңе хабарланған жоқ.