Қытайда Янцзы өзенінде кеме суға кетіп, 20 адам із-түзсіз жоғалды

БЕЙЖІҢ. ҚазАқпарат - Қытайдың Цзянсу провинциясының аумағындағы Янцзы өзенінде кеме суға кетіп, 20 адам із-түзсіз жоғалды, үшеуі құтқарылды, деп хабарлады «Синьхуа» агенттігі.

Кеме сынама рейсін жасау кезінде апатқа ұшыраған. Оның бұл әрекетіне рұқсат беретін тиісті құжаттар да болмаған. Буксир бортында экипаж мүшелерінен басқа оның қожайындары мен Сингапур, Жапония және Франциядан келген техникалық мамандар болған.

27 құтқарушы катерлер экипажы із-түзсіз жоғалғандарды іздеуге кірісті.