Қытайға баратын құбыр арқылы мұнайдың 20 млн. тоннасы тасымалданады - С.Мыңбаев

АСТАНА. 8 қазан. ҚазАқпарат - Алдағы уақытта Қазақстандағы негізгі мұнай құбырлары арқылы тасымалданатын мұнайдың көлемі артады.

Бұл туралы бүгін «KAZENERGY» қауымдастығының VIII Еуразиялық энергетикалық форумында «ҚазМұнайГаз» ұлттық компаниясының басқарма төрағасы Сауат Мыңбаев мәлім етті. Оның хабарлауынша, 2015-2107 жылдары КТК (Каспий құбыр консорциумы) және Қазақстан-Қытай құбырын толыққанды іске қосу жоспарланып отыр. «Осының арқасында Қытайға баратын құбыр арқылы мұнайдың 20 млн. тоннасы тасымалданады. Оның ішінде Қазақстанның өз мұнайы және Ресейдің транзиттік шикізаты бар», - деді С.Мыңбаев.