«Лашын» футбол клубын қаратаулық кәсіпкер 89 мың теңгеге сатып алды

ТАРАЗ. ҚазАқпарат - Жамбыл облысында коммуналдық меншіктегі нысандарды жекешелендіру аясындағы сатулар кезінде «Лашын» футбол клубын атыраулық кәсіпкер сатып алды, деп хабарлайды облыстық дене шынықтыру және спорт басқармасынан.

Қазақстан чемпионатының бірінші лигасында ойын көрсететін қаратаулық клуб осыған дейін мықты ойыншыларымен көзге түсіп, облыстық бюджеттен қаржыландырылып келген еді. Нысан 520 мың теңгеге сатуға қойылған алғашқы аукционға ешкім қатыспаған соң ол сатылмай қалған.

Ақыр соңында «Лашын» Қаратау қаласында тұратын кәсіпкер Арман Қарымсақовқа 89 275 теңге 79 тиынға сатылды. Сатудан соң клубтың миилиондаған қарыздары бары анықталды. «Лашын» ФК директоры Ақниет Таңатаровтың айтуынша, клубтың жаңа иесінің ол қарыздарды өтеу ниетінің бар-жоғы әзірге белгісіз.

Қазіргі таңда «Лашын» ФК жаттығуларын тоқтатты.