Латвия жағалауында поляк танкері қайраңдады
АСТАНА. Қарашаның 28-і. ҚазАқпарат - Қарашаның 27-сінде Балтық теңізінде «Романка» поляк танкері қайраңға отырды,
деп хабарлайды ҚазАқпарат Лента.Ру сайтына сілтеме жасап.
Апат Латвия жағалауындағы Акменрагс мүйісі аумағында орын алды.
Латвия тарапынан оқиға орнына екі кеме жіберілді. Құтқару жұмыстарына тікұшақ тартылған.
«Романка» танкері бұрнағы күні Гданьскідегі порттан шығып, Ригаға қарай бет алған болатын.
