Іле Алатауында қар қоры мол: сел қаупі сақталады
АСТАНА. KAZINFORM — ҚР ТЖМ Қазселденқорғау және Алматы қаласының ТЖД бірлесіп Іле Алатауы жотасының орталық бөлігінде аэровизуалды тексеру жүргізді, деп хабарлайды ведомствоның баспасөз қызметі.
Тексеру нәтижесінде биік таулы аймақта қар қорының едәуір көп екені анықталды. Қар сызығы теңіз деңгейінен 2600–2700 метр биіктікте тұрақтаған. Мореналық көлдердің жағдайы тұрақты — су айдындары қар астында, су келуі байқалмайды.
— Қазіргі тұрақтылыққа қарамастан, қар қорының мол болуы және температураның ықтимал ауытқулары алдағы сел қаупі кезеңінде күрделі жағдайдың қалыптасуын көрсетеді. Мониторинг штаттық режимде жүргізіліп жатыр, — делінген хабарламада.
Осыдан бұрын Іле Алатауы бөктеріндегі жер телімі мемлекетке қайтарылғанын жаздық.
