Лисаковта кәмелетке толмаған баланы зорлады деген күдікке ілінген ер адам ұсталды
АСТАНА. KAZINFORM – Полицейлер кәмелетке толмаған балаға cексуалдық сипаттағы әрекет жасады деген күдікке ілінген ер адамды анықтап, Лисаковтың уақытша ұстау изоляторына қамалды.
Қостанай облыстық Полиция департаментінің хабарлауынша, он алты жасқа толмаған адамға қатысты сексуалдық сипаттағы әрекеттер жасау фактісі бойынша сотқа дейінгі тергеу амалдары жүргізіліп жатыр.
Күдікті ұсталып, сот қамауға алу түріндегі бұлтартпау шарасына санкция берді.
Әлеуметтік желіде ер адамның мемлекеттік құрылымға қатысы бар деген ақпарат тарап жатыр, алайда полицияда оның жеке ұйым қызметкері екенін атап өтті.
Тергеу мүддесі үшін басқа мәлімет жарияланбайды.
Бұған дейін Қазақстанда педофилия бойынша 25 адамның сотталғаны белгілі болған.
Бұған дейін Қазақстанда кәмелетке толмағандарға жыныстық зорлық жасаған 25 адам өмір бойына сотталғаны туралы жазған болатынбыз.
