Лиссабонда Чемпиондар лигасының матчы басталды – «Қайрат» – «Спортинг»

ЛИССАБОН. KAZINFORM — Бүгін Лиссабон қаласында алматылық «Қайрат» клубы мен Португалия чемпионы «Спортинг» арасында ойын басталды, деп хабарлайды Kazinform агенттігінің меншікті тілшісі.

«Спортинг» Португалия чемпионатында екінші орында тұр. Клуб бес кездесуде 12 ұпай жинаған: төрт жеңіс және бір жеңіліс. Доп айырмашылығы – 15:4. Команда көш бастап тұрған «Портудан» үш ұпайға қалып келеді.

Алматылық «Қайрат» Қазақстан чемпионатының турнирлік кестесінде көш бастап тұр. Клуб 22 ойында 49 ұпай жинаған: 15 жеңіс, 4 тең ойын және үш жеңіліс. Алдыңғы ойындарда алматылықтар «Оқжетпес» пен «Ақтөбені» 1:0 есебімен жеңген болатын.