Лондондағы биік үйде болған өртте құрбан болғандардың саны алты адамға жетті
МӘСКЕУ. Шілденің 4-і. ҚазАқпарат - Лондонның оңтүстігіндегі 12 қабатты үйде шыққан өртте құрбан болғандардың саны алты адамға жетті,
деп хабарлайды ҚазАқпарат Лента.ру сайтына сілтеме жасап.
«Алты адам құрбан болды - үшеуі жас бала және үшеуі ересек адам», - деді Лондонның өртке қарсы қызмет өкілі. Бұл ақпаратты полиция және жедел жәрдем қызметінің өкілдері де растады.
Соңғы деректер бойынша 13 адам ауруханаға түскен.
