Лос-Анджелесте ұшаққа жай түсті

АСТАНА. ҚазАқпарат - Лос-Анджелесте жай түскен ұшақ сәтті қонды. Бұл туралы CBS телеарнасынан хабарланды.

Alaska Airlines компаниясының лайнері Лос-Анджелес әуежайынан көтеріліп, Вашингтонға бағыт алған. Оның бортында 159 жолаушы мен 6 экипаж мүшесі болды.

Жай түскеннен кейін ұшқыш ұшаққа зақым келуі мүмкіндігін ескеріп, әуежайға қайта оралған, деді телеарнаға Alaska Airlines өкілі. Жапа шеккендер жоқ.