Магистратураға түсушілерге арналған күнтізбе жарияланды

АСТАНА. KAZINFORM — Ғылым және жоғары білім министрлігі магистратураға түсушілер назарларына талапкерге арналған күнтізбені жариялады.

Кешенді тестілеу 21 шілде-10 тамыз аралығында өтеді;

Білім беру гранттары конкурсына қатысуға өтініштер 12-18 тамыз аралығында қабылданады;

Ақылы негізде оқуға құжаттар қабылдау 15-28 тамыз аралығында жүргізіледі;

Грант иегерлерінің тізімі 25 тамызға дейін жарияланады.

ЖЖОКБҰ-на қабылдануы 28 тамызға дейін аяқталады.

- Қосымша ақпаратты ЖОО ресми парақшалары мен сайттарынан ала аласыздар. 2025-2026 оқу жылына қабылдану үшін маңызды күндерді өткізіп алмаңыз! – делінген хабарламада.

Айта кетейік, Ғылым және жоғары білім министрлігі Мәжіліс депутаттарының магистратураға түсу кезінде бакалавриат бейініне қарай шектеу енгізуге қатысты сауалына жауап берді.

1 маусымнан бастап магистратураға түсу үшін кешенді тестілеуге тіркеу басталды.