Мамырдың 15-і - «Распадская» шахтасында қаза болғандарды аза тұту күні деп жарияланды

АСТАНА. Мамырдың 12-сі. ҚазАқпарат - Мамырдың 15-інде Кузбаста «Распадская» шахтасында қаза болған кеншілерге аза тұтылады. Бұл туралы бүгін Кемеров облысының губернаторы Аман Төлеевтің баспасөз қызметінен хабарлады.

Қазір құтқарушылар әлі адамдар қалуы мүмкін «Распадская» шахтасының жерасты өндірістерін қайта тексеруде. Бұл туралы РФ Төтенше жағдайлар министрі Сергей Шойгу Междуреченскіде болған баспасөз мәслихатында хабарлады. Министр 60 адамның қаза болғаны және тағы 30 адамның тағдыры белгісіз екендігі туралы ресми мәліметтерді қуаттады.