Манас әуежайында тұман салдарынан рейстер кейінге шегерілді

БІШКЕК. ҚазАқпарат - «Манас» әуежайында тағы екі рейс кейінге шегерілді. Бұл туралы «Кабар» әуежайдың баспасөз қызметіне сілтеме жасап  хабарлады.

Мәлмет бойынша олардың бірі - Баткен ішкі рейсі, екіншісі - халықаралық  Қытай, Үрімжі.

Әзірге жағдай бұрынғыша - тұман шамадан тыс қалың.

Еске сала кетсек, бүгін таңертеңгілік  қою тұман салдарынан  4 ұшақ Ош  және Алматы қалаларындағы қосалқы әуежайларға  қонуға мәжбүр болған еді.