Мәнерлеп сырғанаудан Олимпиадаға іріктеу турниріне елімізден кімдер қатысады

АСТАНА. KAZINFORM – 19 қыркүйекте Бейжіңде (Қытай) мәнерлеп сырғанаудан Олимпиадаға іріктеу турнирі басталады.

Аталмыш турнир барысында 2026 жылғы Олимпиадаға берілетін соңғы жолдамалар сарапқа салынады.

Отандастарымыз екі бағдарламада сынға түседі.

Ерлер арасындағы жекелей сайыста Диас Жиренбаев жолдамаға таласады. Сондай-ақ қосалқы құрамда Никита Кривошеев, Олег Мельников пен Артур Смағұлов бар.

Ал мұздағы биде Бойсангур Датиев пен Гаухар Наурызова өнер көрсетеді.

Айта кетсек, жекелей жарыста Олимпиада жолдамасын үздік 5 спортшы иеленсе, мұздағы биде 4 жұп жолдама алады.

Бұған дейін мәнерлеп сырғанаудан Қазақстан құрамасы Олимпиадаға іріктеу кезеңіне қатысатынын жазған едік.