Маңғыстау облыстық ауруханасында 4 ай ішінде 400-ден аса ота жасалған
АҚТАУ. ҚазАқпарат - Маңғыстау облыстық ауруханасында 4 ай бұрын ашылған «Г» блогының хирургтары ота жасау барысында ультрадыбыстық скалпель қолдануды бастады. Скалпель асқазан жолы мен басқа да іш құрылысына ота жасау кезінде қолданылады.
Маңғыстау облыстық аурухананың директоры Нұрлан Тілеповтің айтуынша, қазіргі кезде дәрігерлер жаңа құрылғыларды пайдалана отырып, асқазан мен өңеш, сондай-ақ жүрек-қан тамырларына ота жасауда. «Сонымен бірге ауруханада тізе буындарын эндопртездеу операциялары сәтті жүргізілуде», - дейді ол.
4 ай ішінде аурухананың жаңа блогы 400-ден астам ота жасап шыққан.
