Маңғыстау облысында боранда жоғалып кеткен 11 адам іздестірілуде

деп хабарлайды Төтенше жағдайлар министрлігінің баспасөз қызметінен.

Ведомствоның мәліметтері бойынша, Бейнеу ауданындағы Бейнеу ауылынан қаңтардың 5-і күні сағат 14.00-те көлікке мінген 11 адам Ноғайты және Тұрыш ауылдарына қарай жолға шыққан, олардың ішінде үш бала бар. Ауа райының нашарлауына - қалың қар жауып, күннің суытуына байланысты олар үйлеріне жете алмаған.

Іздеу жұмыстарына 13 адам мен 4 техника жұмылдырылып отыр.

Ведомствоның хабарлауынша, сондай-ақ кеше сағат 23-00-тен бастап Бейнеу ауданынан Атырау облысы және Ақтау бағытына қарай шығатын жолдар жабылды.