Маңғыстау облысында нөсер жауынның салдарынан үйлерді су басып қалды
АСТАНА. Қыркүйектің 28-і. ҚазАқпарат - Жексенбі күні Маңғыстау облысының Форт-Шевченко қаласында нөсер жауынның салдарынан 24 жекеменшік және 6 екіқабатты үйлерді су басып қалды,
деп хабарлайды Төтенше жағдайлар министрлігінен.
Ведомствоның ақпараты бойынша, үйлердің тұрғындары жедел көшірілді. «Екі отбасы (11 адам) «Құлыншақ» балабақшасына, 24 отбасы (117 адам) - туыстары мен жақындарының үйлеріне жайғастырылды. Ыстық тамақ жеткізіліп, медициналық көмек ұйымдастырылды», - деп хабарлайды төтенше жағдайлар ведомствосынан.
Әкімшілік ғимараттарға ешқандай зақым келмеген. Төтенше оқиғаның салдарын жоюға 106 адам мен 60 техника жұмылдырылып отыр.
