Марат Әзілханов ҚХА төрағасының орынбасары лауазымынан босатылды
АСТАНА. KAZINFORM – Бұл туралы Ақорданың баспасөз қызметі хабарлады.
-Мемлекет басшысының өкімімен Марат Алмасұлы Әзілханов Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі лауазымынан босатылды,-делінген хабарламада.
Туған күні мен жері: 1965 жылы 3 қаңтар, Қызылорда облысы, Қазалы қаласы.
Білімі: 1988 жылы – Қарағанды мемлекеттік медицина институты, 2000 жылы – Ұлттық қауіпсіздік Комитетінің Академиясы, 2019 жылы – Л.Н. Гумилев атындағы Еуразия ұлттық университеті.
Жұмыс тәжірибесі:
1988 - 1989 жылдары – Қызылорда қалалық ауруханасының дәрігері;
1989 - 1992 жылдары – Қызылорда қалалық №5 емханасының хирург дәрігері;
1992 - 2011 жылдары – Қазақстан Республикасы Ұлттық қауіпсіздік комитеті органдарындағы қызметі;
2011 - 2013 жылдары – Қазақстан Республикасы Дін істері агенттігі төрағасының орынбасары;
2013 - 2014 жылдары – Қазақстан Республикасы Дін істері агенттігінің төрағасы;
2014 - 2016 жылдары – Қазақстан Республикасы Мәдениет және спорт министрлігінің вице-министрі
2016 - 2018 жылдары – Қазақстан Республикасы Дін істері және азаматтық қоғам министрлігінің жауапты хатшысы
2018 - 2019 жылдары – Қазақстан Республикасы Қоғамдық даму министрлігінің жауапты хатшысы
2019 - 2021 жылдары – Қазақстан Республикасы Ақпарат және қоғамдық даму министрлігінің вице-министрі
2021 жылғы сәуірден қазірге дейін Қазақстан халқы Ассамблеясы Төрағасының орынбасары - ҚР Президенті Әкімшілігінің Қазақстан халқы Ассамблеясы Хатшылығының меңгерушісі болды.
Тілдерді меңгеруі: қазақ, орыс, ағылшын
Марапаттары: «Құрмет» (2016), «Парасат» (2024) ордендері, «Жауынгерлік ерлік үшін» медалі (2009), 7 мерекелік медаль
Осыған дейін Ерлан Қариннің жаңа лауазымды қызметке тағайындалғанын жаздық.
