Мәскеу «әлемнің ең қымбат қаласы» атағын Токиоға берді

МӘСКЕУ. Шілденің  7-сі. ҚазАқпарат -   Жапония елордасы  -Токио   ағымдағы жылы Мәскеу қаласын   шетелдіктер  үшін  әлемдегі ең  қымбат қалалар    тізімінің    бірінші    орынынан ығыстырды,  делінген жыл сайын  рейтинг    құрастыратын   Mercer  агенттігінің    сайтында.

Оған қоса,   үш жыл қатарынан     рейтингте  көш басын  бермей келген  Мәскеу  биыл   екінші  орынды     да жапондық қалаға -     11-ші орыннан  көтерілген  Осакаға  беріп  отыр.

 Mercer's Cost of Living компаниясының   рейтингі     өз қызметкерлерін  шетелдерге  жұмысқа жіберетін  фирмалар  мен    ұйымдарға арналған.    Күнкөріс    құны      баспана жалдау, көлік жалдау,    азық-түлік, киім-кешек,     ойын-сауық сияқты барлығы 200-дей   көрсеткіш бойынша   жасалып  отыр.  «Қымбат қалалардың   бестігінде» Мәскеуден кейінгі  орындарда    Женева мен  Гонконг  қаласы тұр.