Мәскеудегі Ілияс пайғамбар шіркеуінен тарихи жәдігерлер табылды

АСТАНА. ҚазАқпарат - Мәскеуде Ілияс Пайғамбар шіркеуіндегі археологиялық қазбаларда XVII ғасырға тиесілі ерекше құлпытас табылды, деп хабарлады «РИА Новости» агенттігі.

Қазба жұмыстары кезінде XVII ғасыр галереясы қабырғаларының фундаменттері мен кірпіш едендері, XIX ғасырдың екінші жартысындағы баспалдақтар мен едендер, сонымен қатар XV-XVI ғасырлардағы фундамент пен XVIII-XIX ғасырлардағы храмның кірпіш қабырғаларының қалдығы табылды, делінген хабарламада.

Сонымен қатар, XV ғасырдың соңы XVI ғасырдың басындағы мыс монеталары, XVI бірінші ширегіндегі құлпытас фрагменті, XVI-XIX ғасырлардағы керамикалық іс бөлшектері, XVIII-XIX ғасырлардағы ақ тасты еден плиталары, XIX ғасырдың кірпіштері табылды.