Мәслихаттар депутаттарының кезекті сайлауына кандидаттарды ұсыну 16 қараша мен 14 желтоқсан аралығында өтеді - ОСК

АСТАНА. 16 қараша. ҚазАқпарат /Айдар Оспаналиев/ - Мәслихаттар депутаттарының кезекті сайлауына кандидаттарды ұсыну 2011 жылдың 16 қарашасы мен 14 желтоқсан аралығында өтеді. Бұл туралы бүгін 5-ші сайланатын Парламент Мәжілісі депутаттарының кезектен тыс сайлауына байланысты журналистермен болған брифингте Орталық сайлау комиссиясының төрағасы Қуандық Тұрғанқұлов мәлім етті.

Оның сөзіне қарағанда, партиялық тізімдер бойынша сайланатын Парламент Мәжілісі депутаттарының кезектен тыс сайлауында кандидаттарды ұсыну бүгіннен басталып, биылғы жылдың 5-ші желтоқсанына дейін жалғасады. Ал партиялық тізімдерді тіркеу 16 қарашадан бастап, 15 желтоқсанға дейін жалғасады. Сондай-ақ Қазақстан халқы Ассамблеясынан сайланатын Парламент Мәжілісінің депутаттығына кандидаттарды ұсыну 16 желтоқсанда басталады.