Майдангерге жаңа пәтер берілді

ОРАЛ. Қаңтардың 27-сі. ҚазАқпарат /Ғайсағали Ералы/ - БҚО-ның Бөрлі ауданы Пугачев ауылында тұратын соғыс және еңбек ардагері Шәріпқали Хасановқа облыс әкімінің орынбасары Ербол Салықов жаңа пәтердің кілтін табыс етті,

деп хабарлайды ҚазАқпарат тілшісі. Қазіргі таңда Шәріпқали Хасановтың зайыбы Жамиға екеуінің он жеті немересі, үш шөбересі бар. Аталмыш ауылда қоспәтерлік екі үй салынған болатын. Жаңа пәтердің біріне осында әкім болып барған Сапарғали Сиражев қоныстанса, қалған үйлер де бюджет саласы қызметкерлеріне берілетін болады.