"Майкрософт" компаниясы соттың рұқсатымен Интернетті тазалау операциясын жүргізді
АСТАНА. Ақпанның 26-сы. ҚазАқпарат -"Майкрософт" компаниясы өткен аптада әлемдік ғаламторды тазарту жөніндегі бұрын-соңды болмаған «полицейлік» операция жүргізді, деп хабарлайды ИТАР-ТАСС агенттігі. Бұл шараның мақсаты - спамдар - жарнамалық мазмұндағы электрондық хат-хабарлар тарату жөніндегі әлемдік орталық саналатын «Вэлидек» тармақталған құрылымына ену және оны бұзу болды.
Бұл операцияны өткізу үшін компания 277 доменді Интернеттен ажырату туралы өтінішпен сотқа арнайы шағым-арыз берді. Аталмыш домендер «Вэлидек» желісінің белсенді қатысушылары ретінде анықталып отыр.
"Майкрософт" компаниясының мәліметтері бойынша, әлемнің түкпір-түкпірінен "Вэлидэк" тәулігіне Интернетке 1,5 миллиард спам-хабарлар жолдап отырған. Сот Интернетті "Вэлидэк" жүйесінен тазартуға рұқсат берген шешімді жедел қабылдады. Келіп түскен мәліметтер бойынша, операция соңғы 4 тәулік бойы жүргізілген. Оның барысында "Майкрософт" мамандары комьютерлік вирустармен күрес саласындағы бірқатар ірі сарапшылардың қолдауымен барлық 227 доменнің жұмысын тоқтатқан.
