Мехикода газ құйылған автоцистернаның жарылуынан мерт болғандар саны 15-ке жетті
АСТАНА. KAZINFORM – Мехикода 10 қыркүйек күні сұйытылған газ толтырылған автоцистерна жарылды. Оқиға салдарынан мерт болғандар саны 15-ке жетті, 38 адам ауруханада жатыр. Бұл туралы Мексика астанасының денсаулық сақтау министрі Надин Гассман мәлім етті, деп жазады ресейлік ТАСС.
- Бізге тағы бір адамның мерт болғаны хабарланды. Осылайша, құрбандар саны 15-ке жетті, - деп келтірді Гассманның сөзін La Razon басылымы.
Ол сонымен қатар ауруханада 38 адам жатқанын, олардың 14-нің жағдайы ауыр екені хабарланды.
Айта кетейік, 10 қыркүйек күні Мехиконың Истапалла ауданындағы жолайырығында сұйытылған газ құйылған көлік жарылды. 20-дан астам көлік жанып кетті, жақын арада тұрған ғимараттарға зақым келді.
Осыған дейін Мексиканың оңтүстік-батысында микроавтобус апатқа ұшырап, 15 адам мерт болғаны туралы жаздық.
