Мексика президенті есірткі картельдеріне қарсы АҚШ-пен бірлескен операцияны жоққа шығарды

АСТАНА. KAZINFORM – Мексика президенті Клаудия Шейнбаум сейсенбі күні өз үкіметінің АҚШ-тың Есірткімен күрес басқармасымен (ЕКБ) есірткі картельдеріне қарсы бірлескен операцияны бастау туралы келіскенін жоққа шығарды, деп хабарлайды Синьхуа.

- Есірткімен күрес басқармасымен ешқандай да келісім жоқ. Олар мәлімдеме жариялапты, ал біз олардың неге сүйенгенін білмейміз. Біз де, Мексиканың өзге де қызметтері есірткімен күрес басқармасымен келісім жасаған жоқ, - деп мәлімдеді президент таңғы баспасөз мәслихатында.

- Осы ретте түсіндіре кету керек, кез келген бірлескен әрекет бірлескен түрде жүзеге асырылады. Біз АҚШ үкіметі агенттігі тарапынан жарияланған ақпаратты Мексика үкіметімен кеңеспей тұрып, растамаймыз, деді Мексика басшысы.

К.Шейнбаум сонымен қатар екі ел үкіметінің бірнеше айдан бері Мексиканың Сыртқы істер министрлігінің үйлестірумен қауіпсіздік келісімі бойынша жұмыс істеп жатқанын жеткізді.

Оның сөзінше, келісімге жақын арада қол қойылады. Оның негізінде егемендік, өзара сенім, аумақтық құрмет, біреуге бағынбастан үйлестіру сияқты мәселелер жатыр, деп қосты Мексика президенті.

Осыған дейін АҚШ-тың есірткі картельдерімен күреске 4 мың теңіз жаяу әскерін жіберетіні туралы жаздық.