Мексикада екі ұшақ соқтығысты, қаза тапқандар бар

Мексиканың солтүстігіндегі Дуранго штатында жолаушы тасымалдайтын жеңіл моторлы екі жекеменшік ұшақ соқтығысты. Оқиға салдарынан кем дегенде 5 адам қаза тапты, олардың арасында бір бала бар. ҚазАқпарат бұл туралы Anadolu агенттігіне сілтеме жасап хабарлайды.

Жергілікті биліктің мәліметінше, оқиға бүгін таңертең болған.

Ұшақтар соқтығысқаннан кейін өртке оранған, бұл адамдардың қазасына алып келген.

Апатқа байланысты тергеу амалдары басталды.