Мектептердің 96 пайызы Интернетке қосылған ? Ж.Түймебаев

АСТАНА. Қаңтардың 22-сі. ҚазАқпарат /Арман Асқаров/ - Республикадағы мектептердің 96 пайызы Интернетке қосылған. Бұл туралы бүгін ҚР Премьер-Министрі Кәрім Мәсімовтың қатысуымен өткен 2008 жылдың қорытындысына арналған кеңейтілген алқа мәжілісінде ҚР Білім және ғылым министрі Жансейіт Түймебаев мәлім етті,

деп хабарлайды ҚазАқпарат.Министр ұсынған мәліметке сәйкес, елімізде компьютермен қамту жұмысы оңтайлы жүргізіліп келеді. Бүгінде 1 балаға - 20, ал ауылды жерлерде 18 компьютерден келеді. Мектептердің 96 пайызы Интернетке және 31 пайызы кең форматты ғаламторға қосылған. «Сондай-ақ республика бойынша еліміздің тұңғыш Президенті Нұрсұлтан Назарбаевтың 20 интеллектуалдық мектебін ашу бойынша тиісті жұмыстар жүргізілуде. Осы мектептердің шәкірттері халықаралық бағдарламалар бойынша оқытылады», - деді Ж.Түймебаев.