18:02, 22 Тамыз 2025 | GMT +5
Мемлекет басшысы Кемел Тоқаев атындағы № 33 мектеп-гимназияға барды
АСТАНА. KAZINFORM — Қасым-Жомарт Тоқаев пен Садыр Жапаров Бішкек қаласындағы № 33 мектеп-гимназияны бірге аралап көрді, деп хабарлайды Ақорданың баспасөз қызметі.
Бұл ғимаратта Ұлы Отан соғысы жылдары Фрунзе жаяу әскер училищесі орналасқан. Қазақстан Президентінің әкесі — соғыс ардагері, жазушы Кемел Тоқаев дәл осы жерден майданға аттанған.
Білім ошағына К.Тоқаев есімін беру туралы бастаманы Президент Садыр Жапаров биыл мамыр айында көтерген болатын.
Мемлекет басшысы білім ордасының ұстаздарымен және оқушыларымен әңгімелесті.
Осыған дейін Қасым-Жомарт Тоқаев Қырғызстанның бірқатар мемлекет және қоғам қайраткерін марапаттағанын жазған едік.
