Мемлекет басшысы Конго президентінің арнаулы өкілі Патрик Мпойи Луабеяны қабылдады
АСТАНА. KAZINFORM — Кездесу барысында Конго Демократиялық Республикасы Президентінің Қазақстанға жасайтын сапарына дайындық мәселелері талқыланды, деп хабарлайды Ақорданың баспасөз қызметі.
Қасым-Жомарт Тоқаев Патрик Мпойи Луабеяға ілтипат білдіріп, оның сапарын Қазақстан мен Конго Демократиялық Республикасы арасындағы ынтымақтастықты дамыту жолындағы маңызды қадам ретінде қарастыратынын атап өтті.
Патрик Мпойи Луабея Қасым-Жомарт Тоқаевқа кездесуге мүмкіндік жасағаны үшін ризашылығын білдіріп, Конго Демократиялық Республикасы Президенті Феликс Чисекедидің арнайы сәлемін жеткізді.
Сондай-ақ екіжақты ынтымақтастықтың перспективті бағыттары талқыланды.
Бұған дейін Мемлекет басшысы Мемлекет басшысы Украина Президентіне құттықтау жеделхатын жолдады Украина Президентіне құттықтау жеделхатын жолдағанын жазған едік.
