Мемлекет басшысы Qazaqstan Barysy Grand Slam халықаралық турниріне барды
АСТАНА. KAZINFORM – Мемлекет басшысы Астана қаласында өтіп жатқан дзюдодан Qazaqstan Barysy Grand Slam халықаралық рейтингілік турнирінің белдесулерін тамашалады. Бұл туралы Ақорданың баспасөз қызметі хабарлады.
Президентпен бірге мәртебелі меймандар қатарында Халықаралық дзюдо федерациясының (IJF) президенті Мариус Визер де болды.
Жарысқа әлемнің 36 елінен 300-ге жуық үздік спортшы келді. Олардың арасында дүние жүзінің үздік палуандары – Олимпиада ойындарының, әлем чемпионатының және құрлық біріншіліктерінің жеңімпаздары мен жүлдегерлері бар.
Айта кетейік, халықаралық аренада ел намысын 53 қазақстандық палуан қорғап жатыр.
Бұған дейін Астанада дзюдодан Qazaqstan Barysy Grand Slam 2026 басталғанын хабарлағанбыз.
