Мемлекет басшысы елдің тұрақты дамуының, бейбітшілік пен келісімнің кепілі - Қ. Жаңабергенов

АСТАНА. 21 қаңтар. ҚазАқпарат - Мемлекет басшысы елдің тұрақты дамуының, бейбітшілік пен келісімнің кепілі. Бұл пікірді бүгін жұртшылықпен есеп беру кездесуі барысында Есіл ауданының әкімі Қайрат Жаңабергенов білдірді.

Өз сөзінде Мемлекет басшысы елдің тұрақты дамуының, бейбітшілік пен келісімнің кепілі болып отырғандығын баса айтқан ол: «Ағымдағы жылы біз өте маңызды мерейтойды - Тәуелсіздігіміздің 20 жылдығын атап өтеміз. Тәуелсіз Қазақстан тарихында жаңа астананың іргесін қалау өте маңызды рөлге ие. Астана - саяси ерік-жігердің және Елбасының қолдауымен жүзеге асқан өте маңызды ұлттық жоба», - деді аудан әкімі.