Мемлекеттік сатып алуда бағаға емес, сапаға басымдық беріледі - министр
НҰР-СҰЛТАН. ҚазАқпарат – ҚР Ұлттық экономика министрі Әлібек Қуантыров Үкімет отырысында Президент Жолдауын іске асыру шаралар жоспарын таныстырды, деп хабарлайды ҚазАқпарат тілшісі.
«Аталған құжат экономиканың тұрақтылығы мен бәсекеге қабілетін арттыруға және азаматтардың әл-ауқатының өсуіне бағытталған алты бағыт бойынша 109 іс-шарадан тұратын жүйелі, салалық шаралар кешенін қамтиды», - деді министр.
Айтуынша, жаңа экономикалық саясат бағытында 22 іс-шара көзделген.
«Мемлекеттік сатып алу туралы жаңа заң қабылданады. Соның ішінде сатып алынатын тауарлардың, жұмыстардың және көрсетілетін қызметтердің ең төменгі бағасынан бұрын сапа талаптарына басымдық беріледі», - деді ведомство басшысы.
Фото: t.me/KZgovernment
