Месси «Барселонамен» келісімшартты ұзартуға келісті

АСТАНА. ҚазАқпарат - «Барселонаның» шабуылшысы Лионель Месси каталониялық клубпен келісімшартты ұзартуға қол жеткізді, деп хабарлайды «ҚазАқпарат» ХАА тілшісі.

«Барселонаның» президенті Хосеп Бартомеу 29 жасар аргентиналықтың әкесі Хорхе Мессимен кездесіп, тараптар келісімшарттың негізгі бағыттары бойынша келісімге келді, деп хабарлады испаниялық басылым Marca.

Келісім әзірге бүге-шігесіне дейін жарияланбай отыр. Алайда осыған дейін Мессидің каталониялықтардың жылына €30 млн жалақы төлеу жөніндегі бірінші ұсынысынан бас тартқандығы хабарланды.