Microsoft корпорациясы Internet Explorer бағдарламасының осал екенін ескертуде

НЬЮ-ЙОРК-САН-ХОСЕ.   Шілденің 8-і.  ҚазАқпарат /Әлия   Алтынғазина/ -  Microsoft корпорациясы Windows XP және  Windows Server 2003 Internet Explorer операциялық жүйелерімен жұмыс істейтін Internet Explorer  тұтынушыларына ескерту жасады, 

деп   хабарлайды ҚазАқпарат.

Компьютердің  қауіпсіздігінде үлкен  ақау  анықталып  отыр,     компания мамандары  қазір  сол   кемшілікті  жоюмен   айналысуда.  Вируспен зақымданған   сайтқа кіргенде  немесе   спам-хабарламаны  ашқанда  компьютер    қашықтықтан  хакерлердің бақылауына   алынуы   ықтимал.   Корпорация      бағдарламалық  қамтамасыз  етуді  істен  шығаруы мүмкін мыңдаған       зақымданған  сайттар  туралы  хабарлап отыр.

 Сарапшылар    тұтынушыларға Microsoft  мамандары  кемшілікті    жойғанша,    ақаулы бағдарламаларды  жоюға  кеңес берді.