«МММ-2011» жобасы қаржы пирамидасы деп танылды

АСТАНА. 24 қаңтар. ҚазАқпарат - Федералды антимонополиялық қызмет (ФАҚ) жанындағы қаржы нарығы жөніндегі сарапшылар кеңесі Сергей Мавродидің «МММ-2011» жобасы қаржы пирамидасы деп таныды. Бұл туралы сарапшылар кеңесі отырысы қорытындылары бойынша ФАҚ төрағасының орынбасары Андрей Кашеваров мәлім етті, деп хабарлады РБК.

«Біз талқылау нәтижелері бойынша қорытынды жасауға және оны құқық қорғау органдарына жіберуге дайынбыз. Әрі қарайғы квалификация - құқық қорғау органдарының еншісінде», - деді ол.

А.Кашеваров «МММ-2011» кестесінде уәде етілген кірістер шынайы түрде қабылданады және жүйеден шығарылады деп айтылмағандығын атап өтті.

«Менің ойымша, бұл жалған», деді ол.

ФАҚ төрағасының орынбасары жаңа жобада алаяқтық белгілердің бар екендігін, сондай-ақ, заңсыз квазибанктық операциялардың болуы мүмкіндігін атап өтті.