Молдавия күндізгі уақытта спиртті ішімдіктерді жарнамалауға тыйым салды
АСТАНА. Ақпанның 2-сі. ҚазАқпарат - Молдавияның теледидар және радио жөніндегі үйлестіру кеңесі күндізгі уақытта теледидар және радио арқылы спиртті ішімдіктерді жарнамалауға тыйым салу туралы шешім қабылдады,
деп хабарлайды ҚазАқпарат ИТАР-ТАСС агенттігіне сілтеме жасап.
Кеңестің мәлімдемесіне сәйкес, алкоголді өнімдер жарнамасына сағат 6-дан 22-ге дейінгі күндізгі уақыттары тыйым салынады. Тыйым спиртті ішімдіктер логотипін қоса алғанда кез келген алкоголді өнімдердің жарнамаларына қолданылады.
