Моңғолия ЕАЭО еркін сауда аймағын құруға дайын екендігін білдірді
АСТАНА. ҚазАқпарат - Петербург халықаралық экономикалық форумы аясында Еуразиялық экономикалық комиссия алқасының төрағасы Тигран Саркисян Моңғолия Премьер-Министрі Жаргалтулгын Эрдэнэбатпен кездесті, деп хабарлайды ЕЭК баспасөз қызметі.
Тараптар елдер арасындағы ынтымақтастық нәтижелерін оң бағалады. «Біздің қатынастарымыз өте қарқынды дамуда. ЕЭК өкілдері мен Моңғолияның тиімді өзара іс-қимылы біз және біздің бизнес үшін маңызды көптеген түйінді мәселелерді шешті, - деп атап өтті Тигран Саркисян.
Өз кезегінде Моңғолия Премьер-Министрі қысқа уақыт аралығында сауда-экономикалық ынтымақтастық туралы меморандум жасасудан бастап нақты бастамаларды талқылауға дейінгі жолдардан табысты өткендігін және ол өзара сауда-саттықтың өсуіне және кедергілерді жоюға мүмкіндік беретіндігін атап өтті.
