«Мойнақ ГЭС-інің қуатын беру» жобасының қоршаған ортаға тигізетін әсері бойынша тыңдау өтеді

АСТАНА.  Қыркүйектің 10-ы.  ҚазАқпарат - «KEGOC» акционерлік қоғамы мен мердігерлік ұйым арасында жасалған Мойнақ ГЭС-інің қуатын беру нысаны  бойынша 220 кВ электр жеткізу  трассалары мен қосалқы стансылар алаңдарын таңдау мен келісу жөніндегі жұмыстарды мемлекеттік сатып алу туралы шартты іске асыру барысында  техникалық-экономикалық негіздемеде белгіленген әуелік электр жеткізу желілері трассаларының «Шарын» және «Алтынемел» мемлекеттік ұлттық парктерінің (МҰПП) аумағын қиып өтетіні анықталды, 

деп хабарлады «KEGOC»-тың  баспасөз қызметінен.

Бұл «Ерекше қорғалатын табиғи аумақтар туралы» Қазақстан Республикасы Заңының талаптарына қарама-қайша келеді. Осыған орай, «KEGOC» акционерлік қоғамы Ғылыми-техникалық кеңесінің 2009 жылғы маусымның 17-сіндегі  хаттамасына сәйкес Мойнақ ГЭС-інің қуатын берудің нақтыланған схемасын есепке ала отырып, «Мойнақ ГЭС-інің қуатын беру» жобасының техникалық-экономикалық негіздемесіне түзету енгізуді орындау жөнінде шешім қабылданған болатын, соған сәйкес әуелік  электр жеткізу трассалары  ұлттық парктердің аумақтарынан айналып өтетін болады.

Қазіргі уақытта мердігерлік ұйым жобаның техникалық-экономикалық   негіздемесіне  түзету енгізуде. «KEGOC» АҚ республиканың экологиялық заңнамасының талаптарына сәйкес 2009 жылғы  қазанның 2-сінде   әуелік  желінің нақтыланған трассасын есепке ала отырып, «Мойнақ ГЭС-інің қуатын беру» жобасының қоршаған ортаға тигізетін әсерін алдын ала бағалау материалдары бойынша қоғамдық тыңдаулар өткізуді жоспарлап отыр.