Мұнай бағасының төмендегеніне қарамастан, мұнай-газ секторын дамытудың іргелі қозғалтқыш күштері өзгеріссіз қалды - Үкімет басшысы
АСТАНА. Қыркүйектің 24-і. ҚазАқпарат /Ернұр Ақанбай/ - Бүгін Астанада өтіп жатқан IV Еуразиялық энергетикалық форумда Премьер-Министр Кәрім Мәсімов әлемдік қаржы дағдарысының әсерінен мұнай бағасы төмендегеніне қарамастан, мұнай-газ секторын дамытудың іргелі қозғалтқыш күштері өзгеріссіз қалғанын айтты,
деп хабарлайды ҚазАқпарат.
«2008 жылдың қыркүйегінде болған соңғы форумнан бері мұнайдың бір баррелі шамамен 100 доллардан сатылды. Қазір мұнайдың бағасының құлдырағаны бізге мәлім», деген К. Мәсімов , әлем экономикасы бұған дейін болған дағдарыстардан да терең дағдарысқа тап болғанын айта келе: «Менің ойымша, соған қарамастан мұнай-газ секторын дамытудың іргелі қозғалтқыш күштері өзгеріссіз қалды», деді.
Осы орайда Үкімет басшысы жаһандық экономикалық, саяси дамумен байланысты шешуші мәселелерге тоқталып өтті. «Өнеркәсіп ең алдымен әлемдегі орта топ болып табылатын 1 млрд. тұтынушыға негізделеді. Тиісінше адамдардың барлығы өз өмірлері сипатына, экономикалық және саяси қауіпсіздігіне барынша көп кепілдікті талап етуде», деді ол.
