Музыкамен жастайынан айналысу интеллектіні арттырады
АСТАНА. 14 ақпан. ҚазАқпарат - Музыкамен 7 жасқа дейін айналысу баланың интеллектуальдық қабілеттерін шапшаң дамытуға жәрдемдеседі, деп хабарлады Independent News.
Музыкалық мектептерді бітірген оқушылардың бәрі бірдей кәсіби музыкант болып шықпас, дегенмен олардың ақыл-ой қабілеттерінің балалық шағын аулада ойнаумен өткізген қатарластарынан жоғары болатыны анықталған.
Монреаль неврология ғылыми-зерттеу институтының зерттеушілері жариялаған мақалада осындай қорытындылар келтірілген.
Тестілеу барысында жартысы 7-жасқа дейін, ал екінші жартысы 7 жастан кейін музыка сабақтарына барған 36 кәсіби музыканттардардың миына томография жүргізілген. Олардың бірінші тобында қозғалу дағдылары және қозғалыстарының үйлестірілуі жақсы нәтиже көрсеткен, сондай-ақ бас миының томографиясы да тамаша нәтижелер берген: бұл адамдарда ми жартышарлары арасындағы жүйке байланысының саны жоғары болғаны анықталған.
Тағы бір айта кетерлігі, 7 жастан кейін музыкалық мектепке барған музыканттардың көрсеткіштері музыка сабақтарына мүлдем бармаған адамдардікінен көп өзгермеген болып шықты.
